Bliibed brav!

Hüt hemmer es Usflügli gmacht. Mer hend gseh, was eusi Poliziste tagtäglich leisted. Zerst hemmer e chlini Füehrig dur d’Polizeiwach becho. Mer hend d Zelle für d’Drache gseh und en Warteruum, wo zum Biespill verdächtigi Einhörner oder Fee müend warte, bevor sie vernoh werdet.

Nacher hemmer de Pauseruum, wo eigentlich meh wiene Bar usgseht, vode Poliziste gseh und d’Autos, wo die kriminelle Geister transportiert werdet.

Am Schluss hett de Herr Polizist eus no alli Frage beantwortet und mir hend zum Biespill erfahre, dass es meh kriminelli männlichi Gnom, als wiiblichi git. Usserdem hemmer usegfunde, dass ganz vill Meerjungfraue us andere Kantön am Wuchenänd zu eus uf Züri go fäschte chömed.

Spöter hemmer denn no en chline Rundgang dur de Chreis 4 gmacht. Au uf dem hemmer sehr spannendi Sach gseh, wie zum Biespill Yetis und chlini flügendi Pesci.

Alles ih Allem isches sehr spannend gsi und mir hend jetzt Lust zum uf Pandorra gah.