Junge hüt VBZ

Fast z spat simmer cho digga! Du chasch nöd glaube, aber extra Tram hät eus gholt. Wege wichtig und so, du weisch brüeder. Wege drip hämmer krassi violetti VIP veste becho. Plötzlich simmer gsi Kalkbreite. Vallah das isch s depot gsi. De Typ isch voll ume gsi. Uf krass hät er eus sogar no unders Tram gno. Eifach ehre de Maa. Dänn isch s no wiiter gange id Werkstatt. Uf em weg hät de eifach Vollbremsi gmacht. Kolleg, ich han denkt es nimmt mich. Nachher simmer eifach bim Märlitram gsi, han denkt ich ghei is Loch. Uf eimal eifach kaputts Tram der gstande, eifach nur no d hälfti!!! Nachher hät er eus zu Glacé gfahre, uf Nacke vo Lehrerin! Eifach sick gsi hüt, Bruder. Besti empfehlig vo mir, Bro.